店主與兩小柴寶的故事

Mi-Ch Moment 成立於2019年,由係屋企做發展到搬出去WORKSHOP,都係多得每一位既客人信任及支持,十分感謝❗️你地既意見很重要呀😘

小店既由來係因為店主家既兩隻柴寶,兩隻柴寶有一個不堪既過去,細個時佢地只係繁殖既工具, 到左5歲個陣很幸運地俾義工救左出黎,機緣巧合之下就俾店主領養左,唔好睇兩個而家肥肥白白咁,其實都用左唔少錢睇醫生,而且由繁殖場出黎,以前係咁俾人打汗爾蒙針,佢地既身體狀況實在慘不忍睹,所以店主就開始由食療入手,只係想可以補番佢地既過去,希望可以盡力令佢地健康D

初初店主都係新手一名,咩都唔識,靠自己睇書同埋同狗友一齊交流慢慢成長

由係街買零食變成自己風乾肉, 可以做到不添加調味料、防腐劑、味精、人造色素等添加物質,而且低溫風乾可保留食物營養
由買狗糧變成自己煮鮮食,可以自己控制到肉既來源同加D咩既SUPPLEMENT,減低狗狗消化系統的負擔
所有食材都可自己選用人類食用級優質天然食材製造,百份百用料天然、新鮮健康💯

不過其實鮮食既學問都好高深,所以店主讀埋狗狗營養學,拎埋狗狗營養師牌, 所有營養都可以計算到,唔會因為過多或過少而出現問題,店主會將識既野帶俾大家,希望令每一個毛孩都可以健健康康,長命百歲

IMG_0262s.jpg